Musica per carschias Pi bod vez en’èda suno en instrumaint e lez sunar puspe ansemen cun oters? La Scola da Musica Grischun Central ò la dretga purscheida per vous! Tenor derivanza digls interessents niro mess ansemen en program optimal per vous. Igls noss scolasts da musica niron az sustigneir, per tg’igl sunar an cumpagneia az fascharo bler gost e plascheir. Li, taimp e costs digl curs sa drezzan tenor igl domber da participants e l’intensitad digl curs. Infurmaziun ed annunztga: Scola da musica Grischun Central, direcziun da scola, Stradung 11 a, 7450 Casti Telefon: 081 684 14 88 / Fax: 081 404 22 32, info@grischun-central.ch ni link

	Tgi ischans? La scola da musica Grischun Central è ena purscheida dalla regiun Grischun central. Ella è neida fundada igl onn 1979. 21 cumegns pon profitar da nossa purscheida. 25 scolasts/as instrueschan radond 440 scolars/as da musica. Noss intent è da promover igl plascheir da cantar e sunar tar unfants, giuvenils e carschias. L'instrucziun da musica fundamentala magna a l'instrucziun instrumentala e vocala; ensembles divers porschan la pussebladad da sunar e cantar an cuminanza. La scola da musica cooperescha cun las uniuns da cant e musica da nossa regiun. Tenor basigns organisescha la scola da musica ulteriouras activitads da musica scu per exaimpel emdas da cant e musica.