Pertge musica?
Tge è igl muteiv da sunar en instrumaint? An amprema lengia igl plascheir da sa fatschentar cun sasez. Ensatge tgi desda sentimaints e lascha propa vibrar ena corda an noss corp.
Tgi ischans?
La scola da musica Grischun Central è neida fundada igl onn 1979 ed è ena purscheida dalla "Regiun Albula". Igls 6 cumegns da chella regiun: Alvra, Bravuogn Filisour, Farrera, Lantsch, Surses e Vaz on incumbenso la Regiun Albula da manar la scola da musica.
15 scolasts/as instrueschan radond 320 scolars/as da musica. Noss intent è da promover igl plascheir da cantar e sunar tar unfants, giuvenils e carschias. L'instrucziun fundamentala da musica magna a l'instrucziun instrumentala e vocala; ensembles divers porschan la pussebladad da sunar e cantar an cuminanza. La scola da musica cooperescha cun las uniuns da cant e musica da nossa regiun. Tenor basigns organisescha la scola da musica ulteriouras activitads da musica.