Evenimentar la musica an cuminanza
Cantar e sunar an cuminanza promova aspects sozials tgi èn impurtants er an la "dretga veta". La consonanza pretenda da piglier risguard e tadlar l'egn sen l'oter; alloura pò crescher e madirar la armuneia.
La Bargeda
La Bargeda è ena purscheida dalla Scola da musica Grischun Central per unfants tgi cantan gugent ansemen. Nous vagn plascheir da cantar, scolar la vousch e sa muantar. Cun cantar vign er promoveida la musicalitad e l’udeida digls unfants ed els dastgan far belas experientschas communablas. La fegnameira da La Bargeda è da realisar dus projects ad onn, repartias sur l’antiera regiun digl Grischun Central.
-
La Bargeda vign manada da Maria Capeder ed assistentas
Ensembles da percussiun
Per scolars da battareia tgi sungan gugent ansemen.
- Provas: tenor plan spezial.
- Lis: Savognin, Lai
- Manader: Francisco Gonzàlez
Junior Band
Ensemble per scolars da musica dalla terza anfign 6avla classa primara.
Ainten la Junior Band sa scontran scolars/as da musica dalla terza anfign 6avla classa tgi sungan pir da curt en instrumaint. Tadlar l'egn l'oter e s'adattar agl tung èn experientschas impurtantas.
- Prova mesemda, 17.30-18.30, Casti, scola Cumpogna, aula
- Direcziun: Stephan Liver
Wonder Lights
Rock-Pop - chels stils da musica perscruteschan scolaras da musica e tschernan lour hits preferias. Chegl dat er impuls per agens texts e melodias.
Furmaziun: vocal, instrumaints da flo, piano, ghitarra, drums e bass.
- Wonder Lights vign manada da noss scolast da percussiun Francisco Gonzàlez.
Ensembles da ghitarra
Per scolars da ghitarra tgi sungan gugent ansemen.
- Provas: tenor plan spezial.
- Lis: Savognin, Lai
- Manader: Res Glättli